鄭敬凱（右）大談武術經，旁為鄭太。
冠忠巴士集團董事鄭敬凱（Andrew）係習武之人，一向有鍛煉拳法同埋氣硬功，對中國武術甚有研究。近年泰拳於香港相當流行，吸引不少年輕人學習，相對來講，中國功夫似乎被搶晒風頭。雖然Andrew偏愛中國功夫，但佢認同打泰拳可令身形喺短時間收效，加上唔少明星熱愛泰拳，難怪泰拳廣受年輕人歡迎。
Andrew話，泰拳吸取咗中國功夫嘅搏擊特點，攻擊時力量會集中於一點，所以比起中國功夫有更大嘅殺傷力。至於城中唔少貪靚之人打泰拳以保持身材，Andrew認為同泰拳速成效果有關。相反中國功夫講求武德，以及自我修為，因此習武之人比較低調，而且修身速度比較慢，所以唔夠泰拳咁風行。
第一手消息請下載on.cc東網
