陳細潔話對火星嘅發現感興趣。（資料圖片）
最近全球唔同地方都有人熱議火星，唔係被揶揄為火星文嘅網絡語，而係真正嘅火星，事關美國太空總署（NASA）發表研究報告，發現火星地下有鹽水，有專家稱不排除含微生物，陳細潔話，呢個發現好有趣，而且好重大，不過佢好奇嘅係：「冇氧氣水流都唔能夠流出，唔知有冇其他元素可以hold住啲水，好有趣，等大家再發掘。」
美國太空總署證實火星地下有鹽水，專家指或有微生物。（資料圖片）
至於恒生新抱何倍倩就話，佢一度以為美國太空總署會公布火星有生物，並為此期待了幾日，不過，佢都冇失望，仲話：「不過有流動水都係一大突破，我好鍾意天文科學，每次睇宇宙照片，就覺人類好渺小，自己成日都睇霍金嘅書，我信有外星人，宇宙之大無奇不有, 其實若火星有生物，人類再探索就變侵略者。」她表示人類再不好好保護地球，火星可能都是唯一出路。
第一手消息請下載on.cc東網
