城中鏡：莊家蕙意國出嫁好浪漫
名媛莊家蕙前日喺意大利Lake Como 同佢嘅外籍男友Neville 舉行婚禮，而親身到場觀禮嘅邢嘉倩仲將婚禮嘅浪漫情景放上網，同大家分享添！
一對新人莊家蕙同Neville喺婚禮上甜蜜擁吻。
邢嘉倩（右）同新娘子莊家蕙擺Pose，入型入格。
邢嘉倩放上網嘅照片所見，當中有佢同埋新娘子嘅合照，佢仲同新娘子擺Pose，入型入格。
據知，整個婚禮花咗七位數字，唔少富豪二代好友都有去觀禮，除咗邢李（火原）嘅女兒邢嘉倩外，鄭裕彤孫兒鄭志剛、李家彤等也見證最浪漫嘅婚禮。
