剛出爐嘅港姐亞軍Ada龐卓欣日前同爸爸龐寶林及姑姐龐愛蘭出席專資會周年晚宴,Ada隨即成為一眾成員「集郵」對象,個個爭住同佢合照。當晚Ada表演唱歌,龐愛蘭就大爆一段趣聞。話說有次佢哋一齊去酒店食自助餐,Ada聽到附近傳出鋼琴聲,突然興致大發想唱番兩首,龐愛蘭梗係力撐年輕人勇於嘗試,難得姪女唔怕尷尬,所以佢即刻同經理講掂數,畀姪女過吓公開表演癮,留下難忘回憶。

龐愛蘭(右)大爆姪女龐卓欣(左)嘅趣聞。

第一手消息請下載on.cc東網iPhone/iPad/Android/Windows Phone Apps