混血名模Cara G.同老公尋日一齊出席活動，以透視裝示人嘅佢大談兩個囡囡嘅趣事，佢話：「佢哋兩個都好好，大女依家學緊嘢，就不停講，大女比較似我，細女就似老公，依家細女七個星期大，佢性格靜啲，大女就活躍好多，我哋都有諗再生唔生嘅問題，但依家兩個女都仲細，暫時都好開心！」佢又透露胞姐啱啱誕下男嬰，自己亦希望可以有個仔。

Cara G.（左）尋日出席活動，話想宣傳餵哺母乳。

問到依家係咪仍餵人奶？佢話：「好攰，我喺六個星期前都淨餵人奶，我都想宣傳母乳，因母乳對BB係健康啲，亦希望港人可以開放啲，有時我都覺得餵人奶時，周圍既人眼光有啲奇怪，個個都望住你，令你都會覺得好尷尬，其實呢樣嘢係好正常，唔想需要好閃縮或覺得尷尬！」

追問佢有冇試過餵人奶遇到趣事？佢話：「有呀，我今日去醫生度做檢查，抱細女搭升降機時餵緊人奶，啱啱出升降機，我咪移開個女，佢食到成口奶，而我又太多奶，個女個嘴一離開，我啲奶就噴到對面一對夫婦。哈哈，我覺得好好笑，我仲同佢哋講，第時餵人奶就會係咁，當預演！」

第一手消息請下載on.cc東網iPhone/iPad/Android/Windows Phone Apps