萬物皆有價，去飲要畀幾多人情、結婚禮金要幾多，全部都有網上公價或門檻價，咁訂婚戒指要幾錢呢？原來日本有個「三個月糧」規矩；而美國婚嫁公司調查就話，平均數係五萬港元有找，但呢啲或者有當地物價嘅因素。有機構消費調查話，應該唔使港紙萬七蚊，呢個唔通係香港標準？

但有理財專家對呢個可能嘅香港標準說法抱懷疑態度，認為訂婚戒指嘅價值係在乎心意，唔係個價錢牌，皆因心意唔一定有價。好似母親節咁，其實係花店、賀卡禮品各類公司推出嚟叫你消費，係唔係事必要跟呢？事實係，你打個電話或者陪吓媽媽，佢仲開心，邊有阿媽想啲仔女愁住咁送禮物呢？

第一手消息請下載on.cc東網iPhone/iPad/Android/Windows Phone Apps