下周一就係佔中一周年，除咗雙學民陣等會舉辦連串紀念活動，多個反佔中團體都會喺當日遊行集會唱對台。其中有人早前就搵咗知名反佔中人士、外號「大波Man」嘅阿Man，夥拍同樣反佔中嘅網絡紅人劉馬車，為有關活動拍攝網上嘅宣傳短片。

阿Man喺社交網站承認曾與劉馬車拍片，叫大家畀機會佢做番啲正義嘅事。（互聯網圖片）

不過，有網民發現該段有關劉馬車嘅片段，近日全部被剪走。據悉係有建制派人士認為，言行向來離經叛道、又坐過監嘅劉馬車，形象太過負面，決定將佢飛走。阿Man本人就喺網上留言，叫社會畀個機會劉馬車，等佢可以做番啲正義嘅事喎！

第一手消息請下載on.cc東網iPhone/iPad/Android/Windows Phone Apps