美國聯儲局唔加息，費達拿就一日都唔使旨意捧到美國網球公開賽男單個冠軍盃？
唔係亂講(o架)，係美銀美林上個星期五喺啲Note度向啲客講嘅，佢哋仲出埋圖表畀大家睇，見到費達拿由○四年起，年年都喺美網男單捧冠軍盃，但自從聯邦基金利率喺○九年減到低過一厘後，佢嘅六連霸就畀博迪奧破咗，跟住仲邪足七年，一直未有起色。
嗱嗱嗱，今年明明個個都話費達拿狀態大勇會翻生，點知，結果都係輸畀祖高域，呢場波正正就喺公布維持唔加息嘅前幾日。美銀美林嘅結論係，二○一六年先會加息。
