政壇：東江揀上市冧巴有段古

當時係一三年年尾，唔少新股都趕喺年尾遞文件上市，點知東江揀嘅冧巴同另一間藥業公司撞咗。於是，港交所就用一個好公平嘅方法，就係叫晒佢哋兩間公司一齊嚟抽籤決定。咁重要嘅嘢，梗係由老闆出馬啩？嗰陣連Franky都係咁諗，但勢估唔到老闆竟然係派佢出征，仲話「抽唔中唔好返嚟嘞」，老闆呢句，Franky幾咁大壓力，抽籤前一晚直頭瞓唔着。

到抽籤當日，爭冧巴對家位內地女士，視Franky如仇家嘅眼神同氣勢，Franky今時今日仲記得。結果？Franky依家仲喺公司做緊執董兼首席財務官，結果唔使問啦。