香港保護兒童會日前搞咗個慈善高球賽，邀請一班名人打高球做善事，幫吓小朋友。籌委會主席係名媛周瑋瑩Jacqueline，佢透露已幫該會做慈善十幾年，因為鍾意小朋友，又認為小朋友係未來嘅棟樑，不過自己就冇打開高球，所以邀請咗一啲「猛男」朋友幫忙。

周瑋瑩（右）與同道中人齊為保護兒童工作籌款。

馬清偉都有到場，身體力行支持打高球做善事。

Jacqueline話：「做慈善有時都辛苦，但好有滿足感，係我成長嘅好大部分，學到好多嘢，唔容易，好多朋友都好有熱誠，我地冇受薪，憑着一個心。」至於應邀出席賽事嘅大生銀行家族成員馬清揚就話，佢有時會同太太錢慧儀一齊打高球，問到太太唔驚陽光猛烈嗎？他笑說：「搽防曬囉，我都着長袖衫打波。」話自己打咗高球十年，同時熱愛賽車嘅佢，笑言趁仲後生要做多啲運動，尤其有慈善成分，更加要支持喎！

第一手消息請下載on.cc東網iPhone/iPad/Android/Windows Phone Apps