SUN搞作:SUN官場現形記:廢鬥廢
有關注公帑團體從衡工量值角度出發,發現政府有「十大廢App」,消防處及香港郵政更堪稱廢中之廢,面對市民詰難,兩位官員無言而對。
軒軒︰其實我哋消防個App都唔係好廢……
薇薇︰你唔會想講我哋郵政個App廢啲啩。
市民︰你兩個唔使再爭,你哋個App係一樣廢!
軒軒︰你點可以咁講,就算係一條紙底褲都有佢嘅用途。
市民︰如果嘥錢都係用途,咁咪有用囉!
薇薇︰點會咁簡單。
市民︰有幾複雜?講嚟聽吓。
軒軒︰如果我哋個App唔係咁廢,你哋市民邊可以鬧得咁爽,我哋幫緊你哋發洩怨氣咋!
市民︰&%$#*%$#