劉慧卿（右）宴請蘇敬恆（左），兩個當事人都笑容滿面。
立法會議員劉慧卿（卿姐）早前出席香港電台節目《城市論壇》時，口快快講咗中國係「中華民國」，主持蘇敬恆（蘇B）糾正佢之時，佢就叫蘇B做「傻仔」，引起政界一番自認「傻仔潮」。卿姐當日都知講錯嘢即場道歉，為表誠意，佢尋日仲專登宴請蘇B食飯，擺和頭酒嘅意味甚濃。
原來卿姐有鋪講「仔」字尾嘅口頭禪，唔少行家都被佢叫過「衰仔」、「死仔」咁。卿姐話冇黨友向佢投訴畀佢叫「傻仔」，反而好多女記者行家同佢助理投訴，戥蘇B陰功咁話，睇嚟蘇B都幾多女粉絲喎。
卿姐或者都知道講錯嘢，聽聞佢前晚開中委會時，本來想講「傻」，但之後即刻停一停，講「豬」。佢尋日都專登稱呼一班行家「乖仔」前「乖女」後。
第一手消息請下載on.cc東網
