政壇：兜巴星：消防與郵政 廢App大嘥鬼

有團體統計政府單喺過去兩年，花費約二千萬元推出七十多個App。有關注公帑團體發現政府有「十大廢App」，其中消防處嘅「香港消防處」App及郵政署嘅「香港郵政」App，更被堪稱「廢中之廢」。「香港消防處」App提供各區消防局資料不切實際，而「香港郵政」App亦被批追查郵件嘅功能，比私營郵遞公司嘅準確度更差。團體批評部門只係「為整App而整App」，嚴重浪費公帑。老實講，消防處之前貴價買廢車， 香港郵政又用埋晒啲廢嘅揀信系統，已經成日倒市民啲錢落海。消防處處長黎文軒同香港郵政署長丁葉燕薇孭晒鑊，簡直係大嘥鬼。