戴澤良
喺年初上任中華廠商聯合會副會長嘅Tony戴澤良，本身係展覽服務公司主席，首次擔大旗籌備工展會，即遇上經濟寒冬。Tony原本以為會幾棘手，詎料展位出租情況好到出乎意料之外，唔止十二月喺維園登場嘅工展會展位迅速被搶晒，十月底喺葵涌舉行嘅食品嘉年華嘅數百個攤位，同樣供不應求。佢話商戶反應非常踴躍，仲爭住做贊助商，佢哋心態係反正冇乜生意，不如去工展會或嘉年華會博一博。
Tony仲話有銅鑼灣附近商戶反映，工展會期間，生意明顯差咗，因為市民都湧入去工展會，所以今次都有大商戶參展，事關計番條數，工展會租金都唔會貴過交開嘅舖租。
第一手消息請下載on.cc東網
