富商曾文豪女兒Alison曾昭亮尋日出席一個公開活動，懷有四個多月身孕嘅佢，仍然穿上三吋高跟鞋，佢唔單止唔驚會跌親，仲坦言話自己「愛靚唔愛命」。
曾昭亮懷胎四個多月，但仍穿高跟鞋。
佢透露預產期係明年「214」，即係二月十四日情人節，自言會係個「浪漫BB」。咁到時係自然分娩抑或開刀呢？佢話會自然分娩，因為咁樣對BB好啲。問到產後會唔會餵人奶？佢笑住話：「有奶咪餵，好在有家姐（曾昭怡），佢乜都識，有經驗。」
