黃傑龍參觀丹麥豬場。
生牛肉就食得多，生豬肉你又食過未？叙福樓集團執董Simon黃傑龍前排去咗丹麥參觀養豬場，大開眼界。佢話豬場大部分工序都自動化，好似豬糧嘅分量，都係經電腦按豬隻健康狀況計算，而且啲豬仲係無菌，所以當地人會食生豬肉，唔驚有蟲喎。
Simon話當地啲豬係人工受孕，因此大大降低豬隻患傳染病嘅機率，而且有病要睇咗醫生後，先可以食抗生素，仲跟足人類咁要食晒成個療程。佢決定引入旗下食肆，但就會煮熟先至食。
講起早排有街市推出iChicken，讓市民透過視像，隔空買活雞，引起熱話。Simon話丹麥仲勁，豬場養成五萬隻豬，只需五名員工打理，亦有雞場連劏雞都電腦化，由藍光催眠、電暈、放血到斬件，全部自動化，令人嘆為觀止。
第一手消息請下載on.cc東網
