林瘋（左）曾即興加入台灣饒舌巨星蛋堡嘅活動開場表演。（互聯網圖片）
NBA球星「林瘋」林書豪喺今年返台之旅落幕後，再帶畀球迷驚喜，有體育品牌播放咗同林瘋合作嘅「決戰夏日」《Take on Summer》主題曲，延續返台之旅嘅夏天主題，林瘋化身饒舌歌手，鼓勵球迷把握夏天，追求夢想；單曲中林瘋展現絕佳饒舌天分，再度引發瘋狂討論，創造超過百萬的瀏覽人次。
其實喺今年暑假嘅返台之旅中，林瘋曾即興加入台灣饒舌巨星蛋堡嘅活動開場表演，現場一陣帶動唱，讓所有球迷陷入瘋狂；而呢次播出嘅「決戰夏日」《Take on Summer》，就係當時表演嘅歌曲，同時亦象徵佢呢次返台之旅嘅夏天概念；品牌公司邀請林瘋同蛋堡共同創作，呢次仲加入林瘋嘅親自錄音，歌曲結合青少年喜愛嘅嘻哈音樂同籃球文化。
第一手消息請下載on.cc東網
