城中鏡：屯門區會收爐 唔使等埋發叔
今日出席今屆屯門區議會最後一次大會嘅各位區議員、警務處處長盧偉聰等官員，唔使再「等埋發叔」嘞！事關貴為屯門區議會主席嘅劉皇發非常有交帶，尋日已去信副主席同一眾議員，指自己身體抱恙，要聽醫生吩咐靜養，未能出席主持會議。
劉皇發以身體抱恙為由請假，未能出席今日屯門區議會最後一次大會。（資料圖片）
今屆屯門區議會最後一次大會喺今早九點半舉行，根據議程，盧偉聰同規劃署署長凌嘉勤都會出席，但佢哋「吸睛」度一定唔夠擔任咗屯門區議會主席三十幾年嘅發叔，事關一般相信發叔唔會再擔任下屆區議員，作為告別會議，勢成超級主角。可惜，大家要失望嘞！發叔喺請假信中仲話，今屆區議會有好成績，因各位齊心協力，對大家多年支持同信賴有加，並「衷心銘感！」
