鰂魚涌：英皇道多違泊 阻礙交通
「條路成日泊滿車，搞到成條線行唔到車，不如段路劃做咪錶位，政府都有錢收吓呀，好過依家啲人咩代價都唔使畀！」何先生指鰂魚涌一段英皇道東行線經常有車輛違例停泊，影響車流暢通，「靜靜雞泊埋一邊都話可以容忍，依家講緊條主要命脈，又點可以隻眼開隻眼閉？」
鰂魚涌一段英皇道常有車輛違泊，阻塞一條東行行車線。
警方發言人證實由去年九月至上月共接獲七宗相關投訴，並已向違例司機發出十七張定額罰款告票。發言人強調，北角警區非常注意區內交通情況，巡警會按情況執法，以確保道路安全及交通暢順。
何先生促請警方多加巡查，倘發現違泊應作出票控，以糾正歪風，「針拮到肉就知痛，如果一停就畀人罰幾百，我唔信仲有人會停喺度！」
