政壇：醫學會「樂」助長者平安鐘

好多慈善組織都會搞籌款活動，將籌得嘅善款用嚟幫助困苦人士，好似香港醫學會慈善基金咁，每年都會舉行慈善音樂會，而今年嘅受惠機構係「長者安居協會」，籌得善款將會贊助有經濟困難嘅認知障礙症患者同有需要嘅長者，終身免費使用「隨身寶」平安鐘，希望提升長者生活質素，出街都唔怕蕩失路。

周伯展（左）同史泰祖現身介紹慈善音樂會。

醫學會會長Louis史泰祖醫生尋日就同慈善基金主席周伯展醫生，一齊出席記者會介紹今年嘅音樂會，周伯展仲講起自己熱愛彈鋼琴添！

Louis又話，醫學會將會資助今次音樂會嘅全部行政同籌辦費用，估計超過十二萬元，籌得嘅善款將會全數用到受助人身上喎。