法團主席：唔係一句道歉就得
【本報訊】秀怡閣慘被屋宇署亂釘契，大廈業主飽受困擾近兩年，法團主席鍾文正更成業主出氣袋，「試過有業主賣唔到樓，半夜瞓唔着，走嚟拍我門，又試過喺街度畀業主指住鼻哥係咁鬧！其實我都係受害人，點解要受呢啲苦？屋宇署唔係一句道歉就得」！他稱家人曾勸他不要再任法團主席，無謂再沾渾水，「做唔做法團主席無所謂，但一定要搞番掂件事，要還我清白」！
「大家心中有條刺」
屋宇署一二年釘錯契後，秀怡閣業主全部受影響，物業難以出售，鍾文正指當年所有業主議論紛紛，質疑法團「點做嘢」，他曾向業主多番解釋但全無作用，業主擔心樓價受拖累之餘，又因物業難以出售而十分苦惱，部分業主更因此失眠，寢食難安。他表示，不少業主將法團成員視作出氣袋，他曾多次被業主當街指罵，「啲人唔知發生乜事，仲以為我做咗乜嘢錯事搞到畀人鬧！其實我自己都晚晚瞓唔着，好無陰功」。他表示，現時事件雖已暫告一段落，但與其他業主的關係始終無法修補，「大家心中有條刺喺度」！
他表示，屋宇署一三年撤銷釘契後，他仍然堅持向特首、公務員事務局及申訴專員公署投訴，原因便是要追究到底，屋宇署今年七月終致函向法團解釋及道歉，但他認為事件不能單靠一句「唔好意思」便解決，他認為屋宇署有必要檢討查核僭建物業主的機制，「如果唔係，都唔知仲有幾多個秀怡閣出現，我唔想再有業主受呢啲苦」！
