政壇：安哥盛讚台青 留住中國文化
以台商為主嘅國際華商協進會早前舉行換屆及周年晚宴，卸任嘅前會長陳趙滿菊將棒子交畀新任會長羅台秦（Louisa），唔少政商界人士齊出席撐場，包括台北經濟文化辦事處處長嚴重光、華商會前會長李嘉音、中華廠商聯合會副會長陳淑玲等人。咁啱過去一年，台港兩地都有大型學生運動，影響兩地營商環境，唔知佢哋對兩地年輕人有乜睇法呢？
吳國安（左）着上台灣原住民服飾表演，陳淑玲大讚好靚。
孫榮良（右）及廠商會會董梁啟洲現身同樂。
新加入華商會做理事嘅廠商會會董吳國安（安哥）話，依家港青喺溫室長大，父母太過呵護備至，唔單止暑假唔使打工，仲有大把機會去遊學，有啲父母仲恨不得搵工人陪住去，真係今時唔同往日。喺台灣投資多年嘅佢又覺得，台灣後生仔做嘢專注、細心，亦保留住中國文化，與港青大不同。廠商會會董孫榮良就認為，呢一代港青比較自我，做事欠缺國際視野，又唔肯到大陸發展，自然令發展受限。
