踏入九月，香港兩大型鐘錶展陸續舉行，太子珠寶鐘錶集團主席及行政總裁鄧鉅明同太太鄧宣宏雁，近日忙於出席相關活動，但日前鄧太不慎扭傷腰骨，向來愛錫太太嘅鄧生，即時勒令太太要留喺屋企。鄧生話：「我試過整親腰骨瞓床成個幾月，腰傷可大可小，我叫佢（太太）呢排喺屋企唔好出嚟，有乜（應酬）我頂晒！」認真man爆！

鄧鉅明（左）勒令患腰傷嘅太太要留喺屋企，唔使應酬。

太子珠寶鐘錶喺香港鐘錶展舉辦嘅一連五天World Brand Piazza日前揭幕，鄧氏伉儷盛裝撐場，鄧生話市道淡靜，要出奇招吸引同回饋客人，「今次純粹係介紹新錶畀客人睇，唔係做生意，嚟緊月尾嘅錶展，我哋都會選二十對銷售額最高嘅客人，請佢哋嚟香港，住半島，勞斯萊斯接送睇錶。」佢又話生意額下跌以千萬元計，但冇打算要減薪或裁員，希望同員工風雨同路。

第一手消息請下載on.cc東網iPhone/iPad/Android/Windows Phone Apps