政壇：兜巴星：硬推新空管 羅崇文草菅人命

本報率先踢爆民航處新空管系統延誤啟用四年「睇得唔用得」，至今仲喺測試中。新近有消息指，新空管系統七月底測試期間曾發生故障，搞到成個系統「跪低」，癱瘓咗成晚先修復番，明顯新系統存有重大缺陷。不過，民航處管理層竟然仲堅持要喺該處處長羅崇文明年退休前，硬推新系統，無視可能引發嘅航空交通大混亂甚至空難危機，知情者更形容「咁樣係草菅人命」！據悉申訴專員公署正注視硬推新系統當中有否涉行政失當，但羅崇文漠視危機草菅人命，就肯定要孭鑊！