壹傳媒集團前主席「肥佬黎」黎智英早前去咗美國「遊湖玩水」，點知一返香港無耐，尋日就同有「李漢奸」之稱嘅白鴿黨創黨主席李柱銘、白鴿黨立法會議員「AV仁」何俊仁同立法會前議員「高達」李永達三隻老鴿密會。話時話，仲有大約半個月就係佔領行動一周年，肥佬黎就咁啱喺前夕去美國，返嚟又急急同幾隻老鴿見面。肥佬黎被指同外國勢力有千絲萬縷嘅關係，唔通今次會面就係受外國勢力差遣傳達密令，再密謀攪局？

何俊仁尋晚前往黎智英何文田寓所。

李永達尋晚亦與李柱銘及何俊仁一同前往黎宅。

李柱銘等人同黎智英會面逾兩個鐘，未知係咪密謀攪局。

話說尋晚大約七點鐘，肥佬黎坐住自己架七人車返回何文田寓所，但七人車上就唔止肥佬黎一人，仲有李漢奸、AV仁同高達。七人車到達肥佬黎寓所後，佢哋冇即刻落車，特登等到寓所度鐵閘閂咗之後先至落車行入屋，認真鬼祟。正常朋友見面都會有講有笑，但佢哋幾個似乎木無表情，顯得心事重重。

肥佬黎同幾隻老鴿一傾就傾咗兩個幾鐘，直至九點幾鐘，三隻老鴿先至坐番肥佬黎架七人車離開，直情密室談判咁款，就連搭車離開時車窗都要拉密窗簾，好似連外間微弱燈光都唔見得咁。唔通佢哋真係懷有不軌，諗緊佔領行動一周年時點樣又再攪亂香港？

第一手消息請下載on.cc東網iPhone/iPad/Android/Windows Phone Apps