城中鏡：中港足球大戰 田二少接力抽水

呢幾日政商界對中港足球大戰嘅「抽水」停不了，繼財爺「鬍鬚曾」曾俊華前日發表嘅最新網誌「抽水」，大讚「英雄輝」香港足球隊門將葉鴻輝，避談當中涉及嘅中港矛盾等議題後，新民黨嘅立法會議員「田二少」田北辰接力「抽水」，喺facebook上載多張同港足球員，包括葉鴻輝同港隊前鋒陳肇麒嘅合照，同時自爆其服裝品牌有份贊助港足球員西裝同服裝，大讚港隊球員個個fit到漏，笑言連佢自己都認唔出班足球員身上嘅西裝係其品牌出品喎。