大搜查：書包藏飲管火機 家長要留神
禁毒常務委員會主席張建良醫生表示，新興毒品的隱蔽性高，「可能連同屋共住嘅父母、返工嘅同事、返學嘅老師都未必察覺得到」，如果「父母仲停留喺留意仔女有無針窿、有無長袖衫、有無火柴盒等等已經好OUT（過時）」，難發現子女有否吸食毒品。
張建良表示，一般父母發現子女吸毒都會「晴天霹靂」，全因想像不到子女容易自製吸毒工具，亦忽略子女提及的毒品種類，白白錯失提早發現的機會，「青少年當然唔會直接講『吸食毒品』啦」！
張指，以冰毒為例，通常少年會使用冰壺吸食，而自製冰壺只需要錫紙、打火機、膠瓶和飲管就足夠，並不特別。但冰壺需在膠瓶上鑽出兩個小孔，再插入吸管使用，故家長若發現子女書包內的飲品和飲管的數目是「一比二」，再加上有錫紙和火機的話，就要小心。而可卡因則多數直接吸食，霹靂可卡因的吸食方法與冰毒類似，是把毒品放在小膠瓶頂上，用火加熱後，把飲管插入瓶身吸取煙霧，故仍可留意錫紙、打火機兩物。
摺細紙幣藏K仔
惟K仔則比較難發現，因為有毒販會將K仔以鈔票包裝，而「索K」可能只需要硬卡片甚至不需工具，張指只要青少年將Ｋ仔「袋住入廁所食完就可以返課室上堂，洗埋張銀紙就不留痕迹」，但父母仍可留意子女錢包內有否奇怪粉末或摺得異常細小的紙幣，以便早日發現及尋求社工協助。
