房署規劃差 屋邨有衫無碇曬
所謂爭秋奪暑，天氣炎熱及陽光普照，家家戶戶都會將衣物及棉被置於陽光下晾曬，希望能有殺菌消毒之效，不少公共屋邨內亦設有晾曬區。但有新落成屋邨的居民直指，邨內沒有長期晾曬區，令居民「有衫冇碇曬」；有屋邨居民更指邨內晾曬區選址不當，臨時晾曬區又以「不美觀」而停用。地區人士批評，房署規劃新屋邨時未有顧及居民需要及完善配套，促請作出彈性處理，並適時回應居民需求。
記者視察時，發現長沙灣邨臨時晾曬區已爆滿。
幸福邨兩個指定晾曬區均未有充足陽光照射。
鄒穎恒批評多個屋邨晾曬區的選址及數量大受劣評。
楊女士不滿房署停止開放幸福邨的臨時晾曬區。
「邨入面人咁多，但間唔中先放幾條欄杆出嚟，話係畀我哋晾衫，每日好早就晾滿晒。屋企窗出面個晾衫架又細，晾長褲都會拖晒地。」深水埗長沙灣邨居民羅女士指出，該邨於兩年前入伙，卻未設置長期晾曬區，只會在轉季時開放少量空地作臨時晾曬區，惟位置太少而晾曬需求殷切，未能滿足居民需要，「經太陽曬過啲衫會香啲，噏住嘅話會有陣味，希望可以整多啲位畀我哋晾吓衫啦！」
焗路邊違例晾曬
居於同區幸福邨的楊女士亦遇同樣煩惱，她指現時邨內只設有兩個長期晾曬區，惟所在地陽光不足，今年又突然停止開放臨時晾曬區，令居民大呻無處晾衫。「近幸福街條欄杆每年夏天都開畀我哋晾衫，但今年又話覺得『唔美觀』就取消咗。本身邨入面晾衫位已經唔夠，屋企又冇位晾，窗出面係有晾衫架，但如果晾被就好重，成日都驚會連人帶被跌落街。」
記者曾實地了解，期間發現長沙灣邨臨時晾曬區五個膠欄杆都掛滿衣物及棉被，邨內單位晾衫架尺寸亦較小；幸福邨的兩個長期晾曬區均設於樹蔭下，即使烈日當空仍未有足夠陽光照射，而多個單位外的晾衫架均已掛滿衣物，有長褲褲腳亦掂到外牆。另外，記者於該邨外近馬路位置亦發現違例晾曬行為。
長沙灣邨物業服務辦事處發言人表示，現時單位外牆設有基本晾衣裝置，而該處因應居民需求不時在邨內設立臨時晾曬區，今年亦有在空地增設臨時晾曬區。至於是否會於邨內加設長期晾曬區，發言人則指會視乎需要及可行性再作安排。
幸福邨物業服務辦事處發言人證實，過去一年曾接獲一宗有關邨內晾曬區不足的投訴，亦承認有居民要求將現時兩個指定晾曬區遷移到其他位置，該處現正跟進事件。
促彈性開放欄杆
長沙灣邨及幸福邨居民服務中心總幹事鄒穎恒批評，房署對屋邨晾曬區的規劃不足，晾曬區的選址及數量大受劣評，「長沙灣邨只係起咗兩年，但就完全冇規劃冇起晾曬區；幸福邨有三棟樓，成二千幾戶，但就得兩個晾曬區，係嚴重供不應求。」鄒促請署方興建新邨時完善所有配套，並適時回應居民需求，「兩年前幸福邨都會開放欄杆畀居民用，今年突然話因為唔美觀就停止開放，點解唔可以彈性處理？」
記者：呂諾君
逢星期一至五見刊
