城中鏡：蔡李惠莉 讚孫女夠中氣
「玩具大王」蔡志明太太蔡李惠莉早前喺一個音樂會擔任演唱嘉賓進行綵排時，被問到幼子蔡加讚同新抱汪圓圓嘅囡囡Celine 係咪遺傳自己嘅音樂家基因時，佢大讚孫女聲音大，係可造之材，仲大方承認圓圓再度有喜，懷有第二胎。
Celine嘅一歲生日大蛋糕，注意右上有主角嘅相片。（互聯網圖片）
蔡加讚
咁啱，圓圓就喺社交網站上載咗囡囡Celine一歲生日嘅生日蛋糕，仲見到Celine笑得好開心嘅相片添！
老實講，蔡加讚平日忙到不可開交，上個禮拜就飛咗去北京以青年代表身份睇閱兵，同埋參加咗一個有關紀念抗戰勝利七十周年嘅座談會。佢話好榮幸能夠參加呢次活動，而自己細細個時都有聽婆婆講過抗戰經歷，而且印象深刻，希望下一代年輕人多了解歷史。
