城中鏡：何倍倩錫婚P 玩得盡興
「恒生新抱」Anina何倍倩前晚喺半島酒店舉行結婚十周年派對，出席賓客包括本地時裝設計師何國鉦、皮草太子爺王大業、周國豐夫婦、陳君宜同老公鄭躬明等，場面熱鬧，唔少賓客當晚已急不及待放照片上社交網站分享。
何倍倩花了半年時間籌備是次派對。（互聯網圖片）
Anina當晚換咗四套晚裝，其中一套係婚紗，加上場地布置浪漫，又有三層大蛋糕，儼如重演婚禮，Anina亦設計咗唔少遊戲同賓客同樂，各人玩得盡興。Anina花咗半年時間籌備派對，佢認為結婚十周年係個值得紀念嘅日子，亦可以趁機同一眾好友敍舊。咁佢同老公送咗乜嘢禮物畀對方？佢就回答話：「呢個派對已經係最好嘅禮物，一個美好嘅回憶比禮物更有價值，如果有體力嘅話，希望每個十年都搞一次派對。」
