商戶組人牆 防示威者衝擊
【本報訊】光復行動相隔約半年後捲土重來，商戶被迫落閘。有商戶稱自年初連串反水貨行動，內地旅客大減，更不敢到上水消費，數月來生意減半。對於示威者指水貨活動影響民生，有店東反駁：「我仲有老婆仔女要養！你咁搞一搞我又冇咗幾千蚊。」
有商戶見遊行隊伍逼近，立即拉閘暫停營業。
「我哋都要生活」
「光復上水」示威者昨午經過龍琛路、新康街時，不時堵塞藥房及日用品店門口，高呼「驅蝗」及「還我寧靜家園、賣國賊」等口號。有商戶將門外貨品收起免被破壞；有的派出數名店員一字排開，組成人牆防範示威者衝入店內；亦有部分商戶落閘停做生意。
金舖店員廖先生說，在上水開業十多年，有七成生意來自內地客，去年三月首次「光復上水」行動後，生意大減一半。他說：「和平示威冇問題，但唔好搞事，我哋都要生活。」
