SUN搞作：SUN官場現形記：聽天由命
有排隊上樓的市民心急如焚，咁啱喺街撞到運房局局長炳炳，市民捉實炳炳訴苦，希望佢幫幫手，大家一齊睇吓發生乜事。
市民：局長，我好想好想上樓吖。
炳炳：教你條捷徑，申請特快公屋編配計劃，包你快啲上樓。
市民：唉，有乜用吖，都申請咗啦，弊在超額申請成七十三倍，僧多粥少！
炳炳：絕招都出埋，我都冇辦法喇……
市民：咁就想置身事外？
炳炳：咁啦，你祈求個天發生多啲天災人禍仲好。
市民：吓，咁黑心？
炳炳：天災人禍多啲，公屋凶宅自然多啲，你上樓機會咪又大啲囉。
市民：咁都得？**%%##!@@!!!
