腹大便便嘅曾昭怡前晚出席一個活動時透露懷孕八個月，預產期喺十一月，但佢唔肯透露佗住嘅係仔定女。當問及有乜嘢準備時，佢話：「買BB衫，朋友叫我唔好亂買，我有個list。」佢仲話已經請咗陪月，咁係咪十萬元一個月？佢笑言：「請我去做，生完有經驗。」問到有冇幫BB搵契爺契媽？旁邊嘅張宇成話：「佢唔畀我做。」昭怡即笑言：「你乖就畀你做。」

曾昭怡話依家忙住買BB衫。

陳浩寧同老公趙益坤拍拖出席活動。

同場仲有名媛陳浩寧同老公趙益坤，陳浩寧透露囝囝兩歲半升讀學前班，問到找學校難唔難？佢話：「都ok，搵咗三、四間。」

第一手消息請下載on.cc東網iPhone/iPad/Android/Windows Phone Apps