有小學自行驗水後發現有水辦含鉛超標，教育局局長吳克儉嘅回應令人啼笑皆非，更惹起各界狂轟。佢以學生留喺學校嘅時間唔長堅拒為學校驗水，更指會向學校提供最新健康資訊、教導學生正確飲水態度及着學生自行帶水回校，叫學生「自求多福」，又以幼稚園屬私營為由拒為幼園驗水。日前政府終「跪低」，宣布為近千間幼稚園驗水，之後再為○五年後落成嘅中小學驗水。事件反映吳克儉唔單止後知後覺，仲唔踢唔郁，搵佢搞教育政策認真唔得掂！
第一手消息請下載on.cc東網
