葵芳：手推車霸路食署扮盲

「好多主婦都喺附近買餸，但呢度成日都有雜物阻街，霸住條行人路，嗰次仲放成五架手推車喺度，叫人點行呀！」王太經常到葵芳智芳街買菜，皆見行人路堆放大量手推車及雜物，阻礙行人通道，亦影響市容及衞生環境，不滿食物環境衞生署人員巡查不足。

智芳街堆積大量手推車及雜物，既礙觀瞻亦影響環境衞生。

雜物堆積促檢控阻嚇

食環署發言人指一向關注上址的衞生情況，接獲本報轉介後即派員巡查上址，發現有少量雜物，警告物主後，物主已移走有關物品，該署隨後亦安排潔淨服務承辦商清掃及清洗現場。發言人證實過去一年曾接獲五宗相關投訴，將會繼續留意上址情況，亦會按實際情況加強相關的潔淨服務。

「警告咗咁多次都冇用，啲人都係唔理，最好加張通告提醒啲人唔好亂放嘢。」王太指雖然上址部分手推車已移走，但仍有少量雜物堆積，認為警告欠阻嚇力，應向物主提出檢控，又要求食環署加緊巡查。