城中鏡：陳瑞麟當隻狗係模特兒
蜚聲國際嘅珠寶品牌創辦人兼創意總監陳瑞麟（Dennis）係愛狗之人，家中養咗隻老虎狗，尋日佢出席一個活動，狗狗亦不離身。咁都未算，佢仲不時帶埋狗狗出去玩，仲當狗狗為模特兒添。
陳瑞麟覺得佢嘅愛狗一啲都唔醜。
Dennis話，佢一直好鍾意狗：「我鍾意啲狗好奇怪，人哋會覺得好醜，但其實好Cutie，好似老虎狗咁！」佢屋企就養咗一隻三歲大的老虎狗，為佢嘅生活帶來唔少樂趣：「我隻狗有時都幾老闆，佢唔鍾意時會吠番你，直情當自己係人！」而向來非常熱愛攝影嘅Dennis，不時會帶埋愛狗出外拍攝，佢笑言要捕捉狗狗嘅動態並不容易。似乎老虎狗太好動，為佢攝影有難度。
