東網電視
更多新聞短片數百政商界名人尋日出發上京參加今日舉行嘅紀念抗戰勝利七十周年閱兵儀式，由於呢行有「遠足」及「罰企」，即係嘉賓落車後要好似「遠足」咁步行約一小時到閱兵現場，之後閱兵嘅六至七小時又要「罰企」，工聯會立法會議員黃國健就買咗一對千多元嘅氣墊波鞋上陣，佢話事後都可以着落區，企街站都唔使太辛苦喎。至於貪靚嘅議員葛珮帆就帶定太陽油、太陽眼鏡、平底鞋，務求唔會曬傷皮膚喎。
陳健波站在航空公司櫃位半小時，原來他忘了買機票，要即場購買。
葛珮帆帶備太陽油、太陽眼鏡、平底鞋，務求不會曬傷皮膚喎。
黃國健買了一對千多元的氣墊波鞋上京閱兵。
張德熙話帶咗把紙扇喺閱兵時撥涼。
官方紀念品及藥包
一眾參加者要在凌晨五時起床。有人抵達北京後，隨即收到官方紀念品及藥包．內有雲南白藥膠布、風油精、清涼油、仲有一支筆及記事簿、黃色雨褸及紅色袋仔，有乜頭暈身（慶）或損傷都唔使驚啦。
有多次上京經驗嘅保險界立法會議員陳健波，尋日正午就抵達機場，但佢企喺航空公司服務櫃枱前足足半小時有多，原來佢早前去咗歐遊二十幾日，途中又因溝通問題，以為政府好似以前咁代為購買機票，一心以為回覆乘搭邊班航機就可以起行，點知今次上京係要自行購買機票，所以佢要即場支付六千多元購買來回機票。
孔教學院院長湯恩佳一家幾口及金銀業貿易場監事長張德熙赴京，張德熙話帶咗把紙扇喺閱兵時撥涼，又話會留多一日周圍去玩。
第一手消息請下載on.cc東網
