慈雲山：壞冷氣唔整 「焗爐」內撳機
「入去撳錢好似入咗去火爐咁熱，搞到身水身汗，咁樣服務點得（口架）！」居於慈雲山的李先生表示，近期前往滙豐銀行設於慈雲山中心的理財易中心，感到十分焗熱，懷疑冷氣機故障，「已經兩個幾禮拜，但唔見整番好個冷氣！」
滙豐銀行轄下位於慈雲山中心的理財易中心被發現冷氣微弱，室溫逾二十九度。
記者實地了解，發現確如投訴人所述，冷氣甚為微弱，侷促不已。經度量後，溫度計顯示上址室內溫度高達攝氏二十九點四度。滙豐銀行發言人指，接獲轉介後已檢查有關理財易中心的冷氣，已回復正常。
「投訴咗真係有效，好快整番好，依家再冇咁熱！」李先生希望有關銀行主動加強檢查及維修保養，確保轄下設施運作正常。
（ireport_00041261）
