大搜查：兼營集運自取點 小店殺出新財路
另類集運自取點遍地開花！零售業提早遇上寒冬，小店經營困難，不少店舖乘網購成風，加盟做集運公司自取點，望殺出一條血路。有屋邨士多順應潮流兼營網上代購，還為客人「格價」，令業務貼心又多元化；樓上單車舖指加盟集運公司成本低，又可開拓客源，已成為十間集運公司的自取點；亦有工廈影樓視兼營自取點為宣傳，但亦曾因貨物擺放遭投訴，又恐客人訂購違禁品。學者指融合互聯網業務，勢成小店轉型新出路，惟有律師提醒，如客人集運違禁品，作為自取點的小店亦有可能須負上刑責。
楊先生的影樓於今年初加盟為自取點，店內亦存放了大量的貨品。
經營影樓的楊先生指，兼營自取點可當宣傳。
士多負責人黃先生表示，希望藉網購為傳統士多帶來新出路。
大埔大元邨一間士多順應潮流經營網上代購服務，並成為集運自取點。
李先生在石門商廈的樓上單車店，已成為十間集運公司旗下的自取點。
市民點睇
鍾小姐（學生）：「我覺得自取點嘅多少都唔係最重要，最重要係佢哋公司嘅可信程度。」
曾小姐（科技界）：「多咗集運自取點係好事，我哋可以容易啲拎貨！」
工廈影樓帶旺攝影生意
位於葵涌工廈的影樓亦加盟集運公司做自取點，負責人楊先生指，影樓於今年二月起營運，隨即成為集運自取點，「（影樓）開店冇咩人，我自己又玩開網購，做自取點就可以過下日辰，又可以宣傳吓影樓！」採訪當日，記者見有不少客人到影樓取貨，店內亦存放了大量貨品。「係吸引多咗人上嚟，亦試過有客拎貨時會問埋我哋有冇影婚紗相、家庭相嘅服務。」楊稱其影樓較優勝的地方在於「我哋喺工廈，集運價錢較平，而且區內冇咩自取點，所以都方便鄰近嘅OL拎貨。」
貨塞走廊遭投訴
雖然集運自取點令小店多條出路，惟楊坦言不無憂心，「啲貨要小心存放，試過比人投訴啲貨塞住走廊同消防通道，所以依家所有貨放番喺舖頭度，我哋都叫咗啲客唔好喺門口拆貨。」另外，楊亦擔心有客人訂購違禁品，所以會盡量小心。
屋邨士多一條龍吸街坊客
「我哋要追趕到便利店，就一定要多元化！」大埔大元邨一間士多的負責人黃先生稱，一家人於半年前開辦傳統士多，但有感生意難做，故順應潮流，同時兼營網上代購服務以及售賣日本動漫產品，「搞網上購物都係一個新出路，始終集運市場咁大，大家都想積極爭取生意。」
近年網購成風，為省運費，愈來愈多人選用集運公司的自取服務。黃表示，士多會為客人提供「一條龍」服務，「成日有家庭主婦畀啲家庭用品嘅相我哋睇，我哋會幫佢搵到最平嘅貨，直接送到嚟店，佢哋到時嚟拎就得。」黃坦言，店舖主要是做街坊生意，平均每月有十多單，「我哋主要係逐件貨按運費嚟收手續費，一件幾蚊，主要都係睇重量。」
曾代訂鐵騎包圍
黃笑言士多成為集運自取點最大優勢是「自由度」，他指現時大型集運公司的自取點有太多限制，「只要運貨公司肯送，我哋就一定會收，唔會限重量。試過有人搵我哋訂成副電單車包圍！」黃補充因其店舖手續費較平，位置亦方便，故吸引不少熟客。
樓上單車舖零成本創雙贏
「我覺得係相輔相成，一方面集運公司自取點無法應付咁大嘅貨量，另一方面店舖都想增加人流。」李先生的單車店於三、四年前從葵涌搬至石門商廈樓上舖，有不少客人要求他幫忙訂購外地單車零件，他索性應客人要求加盟集運公司為自取點，現已成為十間集運公司旗下的自取點，「我哋成為自取點毋須額外成本，而且可以擴大店舖客人嘅滲透率，又方便到鄰近居民，可以話係雙贏！」
在採訪途中，不斷有客人前來取貨，李笑言，「我只可以話生意OK啦，因為三、四年前嘅石門冇馬鐵、商廈，又唔方便又荒蕪，係呢幾年開始發展先慢慢多人流上嚟。」惟李拒絕透露集運自取生意額，只稱即使近年店舖租金上升，但對整體生意仍然樂觀。
逢星期一至五見刊
文：紀靜雯
圖：吳啓偉、甘偉倫
