多個泛民政黨近日輪流趕尾班車，去到位於灣仔嘅選舉事務處總部抗議，要求徹查同剔除多個區議會選區內嘅可疑選民登記，選舉處每次都會派職員接信，遞信團體循例都會影番張相，以便將來做工作報告之用。有眼利網民發現，前日負責幫白鴿黨同工黨接信嘅選舉處女職員，由容貌以至衣着打扮都好省鏡，完全將兩黨嘅區議員或疑似區選參選人「技術性擊倒」。

Hermia（左一）負責為到選舉事務處抗議嘅泛民政黨接信，將右邊嘅白鴿黨成員完全「技術性擊倒」。

Hermia在希臘文解作「信使」、「信差」，個人Facebook顯示佢好鍾意旅行同食好嘢。（互聯網圖片）

據悉該名女職員姓關，英文名叫Hermia，即希臘文嘅「信使」、「信差」咁解，由佢嚟接信認真貼切。根據選舉處網頁資料，Hermia係該處行政組嘅助理選舉事務主任，個人Facebook有好多外國風情同美食相，顯示佢好鍾意旅行同食好嘢。至於尋日先去抗議遞信嘅泛民主派政黨就同Hermia緣慳一面，因為選舉處改派咗一名男職員接信，從好嘅方向想就係毋須再被人搶鏡囉！

第一手消息請下載on.cc東網iPhone/iPad/Android/Windows Phone Apps