申訴專員公署主動調查發現，水務署喺跟進私人水管滲漏問題時，只求巡查，無着重解決，導致個案往往需時多月才完結，最誇張嘅甚至需時兩年多時間處理，而期間涉事水管一直滲漏，流失嘅水量難以估計。申訴署批評水務署因循行事，僅不斷發催辦書促用戶維修，未有及時截水。水務署唔單止私人水管搞唔掂，就連公屋水管都搞到一鑊粥，鉛水風波到依家愈揭愈多，水務署署長林天星做嘢咁水，小心烏紗不保呀！
