灣仔軒尼詩道嘅三級歷史建築物「同德押」被拆去牌匾，擬改建成為商廈，事件引起社會關注，更有人認為「同德押」有其歷史意義。古物諮詢委員會主席林筱魯尋日喺電台就承認，現時嘅歷史評級制度其實係「無牙老虎」，因此，佢建議利用口述歷史嘅方式加強公眾教育，同時，古諮會亦會喺下星期開會，重新檢視「同德押」嘅歷史價值。古諮會願意重新討論，睇得出林筱魯有聽到民意，但係歷史評級制度一日唔能夠變得有力，相信古諮會要保育歷史建築物，都係無能為力！
