SUN焦點：開學樣樣加 閒閒地使過萬
下月開學日，在最低工資、原材料價格上升及學生人數減少下，開學成本大增。本報綜觀今年各項開學開支，發現校服、書本、飯盒及校巴等四大範疇已加風四起，即使部分商戶為免加得太多，以「賺少啲」回饋家長，但平均加幅仍達百分之五。有家長要在今個新學年，預留近兩萬元開支，子女才有書可讀，可謂百上加斤。文/圖：專案組
林松坡表示，因應最低工資及來料價調整，成本上升兩成。
石漢基稱，今年書價平均上升百分之三至四，升幅已較去年小。
人民幣近期貶值，但短期物價未能受惠。（資料圖片）
無奈接受:
朱女士（主婦）:
暫時校服唔覺得太貴，但啲教科書就貴啦，但貴都要畀。
黎先生（銀行業）:
通貨膨脹嘛，每年開學雜費實會加價，家長只好無奈接受。
教科書每年加價已成常態。專售教科書的漢榮書局董事長石漢基表示，今年書價平均上升百分之三至四，升幅已較去年少百分之一，「可能係啲出版社接受咗市場多咗競爭，加上油價調低咗，印刷成本減少，所以今年教科書來貨價升幅算係幾輕微。」不過，隨着適齡學生人數持續下降，變相令教科書繼續加價，「印數少咗，印書嘅成本自然就貴咗。仲有啲出版社會為學校『度身訂造』課本，呢啲印數仲少，書價更貴。」
賣教科書毛利無一成
此外，租金乃出版社一大成本，「以前啲出版社會印兩年嘅書量，放喺貨倉，依家倉租貴，出版社只會印一年書量，免責「貨」白交倉租，印數少咗一半，印刷費變相又貴咗。」
以今年來說，新學年一名中學生的書簿開支約為二千多元至三千多元不等，若然是名校，使用的教科書較一般學校多，書簿開支或升至四千元以上，料會對基層家庭帶來重大經濟壓力。「依家呢個時勢，我哋賣教科書嘅都覺得好難做，毛利唔夠一成，好彩舖位係自置，否則真係做唔住。」
除教科書外，校服亦屬開學必需品，同樣面對加價壓力。營運超過五十年、承辦二百多間學校校服的金綸服裝董事總經理林松坡表示，因應最低工資及來料價調整，成本上升兩成，「我哋內地設廠房，內地近年人工加咗一成幾，但公司與學校就加價一向有協議，今年只加價百分之五，有協議在先，同埋體諒到家長嘅經濟壓力，加上我哋係自置物業，唔使受租金影響，拉上補下仲維到皮。」
加價潮席捲全港，校巴服務亦難以獨善其身。大型校巴承辦商冠忠巴士集團主席黃良柏稱，旗下校巴服務本年度將加價百分之五，原因是受最低工資影響，「好似校巴保母咁，要畀較高工資至有好嘅質素。」除工資外，車輛保險費亦有上升，校巴經營環境日漸困難，即使油價下調，但仍未能抵銷種種開支加幅，最終令經營成本增加。他續稱，入學人數下跌，亦是校巴加價的原因，「據我了解，我哋加價百分之五，但有啲學校唔只加呢個升幅，因為嗰啲學校學生人數少咗，學生分擔乘搭校巴嘅平均費用就多咗。」
另一提供校車服務的志力旅運負責人陳先生指出，今年平均加幅為百分之五，「雖然油價無貴到，人民幣貶值我哋又無受惠，而其他使費好似停車場費、維修費都貴咗，所以校巴費都要有啲調整。」
人幣貶值未即時受惠
學生膳食同樣上調百分之五。提供學校飯盒的恩延飲食服務負責人梁雄錕表示，即使近日人民幣貶值，內地食材或有價格調整，但相信非短期內可以反映，而近年工資及舖租上升，成本大增下，新學年飯盒約加價最少百分之五。
思樂膳食發言人陳先生稱，新學年飯盒售價會有少許調整，主要涉及運輸成本、包裝飯盒工人開支增加，「呢兩年人工升咗好多，好似包裝工人咁，根本無人想入行，我哋時薪要畀多十蚊，即係要四十二至四十五蚊至請到人。」至於近日人民幣貶值，會否令飯盒有下調空間，他指因早已與學校簽下一年合約，就算人民幣繼續貶值，亦不會有價格調整。
中文大學商學院助理院長李兆波表示，人民幣近日貶值，但因時間太短，加上校服及書本等原材料生產商一早已經購買，故今個學年未能即時反映，相信最快要待下一個學年，才有機會反映出來。
