鄭麗莎話囝囝有運動細胞，想訓練囝囝做運動員。
有「蜘蛛女」之稱嘅運動員Lisa鄭麗莎、攀山專家鍾建民等出席匡智競步雲霄記者會，善心爆棚嘅Lisa話過往亦有同智障人士一齊參與跑樓梯大賽，希望身體力行作為教導自己孩子嘅教材！
Lisa話：「依家個仔都十個月大，都想再生多幾個小朋友！」當問及係咪想追個女？佢又話：「其實想生仔，因為希望訓練佢哋做運動員，男仔會冇咁辛苦。」咁作為新手媽媽，係咪好緊張？佢話冇，因為自己做運動員時更緊張、更大壓力。係咪開始培訓定囝囝？佢話睇得出囝囝有運動細胞，因為抱住囝囝時，囝囝隻腳不停郁喎。
第一手消息請下載on.cc東網
