粉嶺：仙館旁山墳紙皮堆似山
「都唔知咩人喺度拆貨，搞到一大堆紙皮堆積晒個山墳度，仲要好多日都冇人清理！」行山人士蕭小姐發現，粉嶺蓬瀛仙館旁邊的山墳上堆滿大量紙皮盒，包括貨物包裝及填充物料，有礙觀瞻，亦憂慮有人霸佔公共地方作整理貨物等商業用途。
有大量紙皮垃圾堆積於粉嶺蓬瀛仙館旁邊的山墳。
食物環境衞生署發言人表示，該署已派員巡查上址，期間發現有棄置垃圾及紙皮，已即時派員清理，而過去一年，並無接獲相關投訴或檢控記錄，該署會留意上址情況及採取適當行動，以確保環境衞生。
「清咗垃圾之後啲人又掉過，部門真係要多啲巡查，一旦發現有人喺度拆貨製造垃圾，就可以即時檢控。」蕭小姐希望政府成立專責小組針對問題，並不是「見一次清一次」。
