人生有幾多個十年？呢句話對名媛何倍倩（Anina）特別有意義，事關今年佢與恒生後人何乃斌結婚十周年紀念，十年之間，二人世界變咗五口溫馨之家，三個寶貝仔女令佢哋嘅生活更精彩，下個月佢哋計劃舉辦十周年紀念晚宴，以Bling Bling為主題，與親友齊慶祝錫婚紀念。

何倍倩同老公為紀念結婚十周年，專門搵人拍攝新婚照及家庭照。

Anina說夫婿向來低調，搞十周年晚宴已經是最好嘅紀念禮物，早前佢哋特別請攝影師來拍攝新「婚照」，今次佢同夫婿及三個寶貝一齊穿起禮服，重溫婚禮的感覺，她說：「十年前自己仲係傻更更，依家已經變咗媽媽，責任多咗，最開心係由兩個人變成咁多人，多咗三個寶貝，Lawrence（大仔）依家練緊打鼓，晚宴嗰晚會表演，我同老公講，下個十年，大仔已經係大人，諗吓已經係最好回憶。」

第一手消息請下載on.cc東網iPhone/iPad/Android/Windows Phone Apps