藝術品投資近年成為一啲城中名士嘅新玩意，而且愈來愈受歡迎添。王氏國際集團第三代後人兼仁濟醫院副主席王賢訊（Vincent）近年就醉心投資後現代畫作，太太都鍾意埋一份，依家夫唱婦隨，好投入呀！

王賢訊同太太都鍾意靚畫，近年仲投資做生意。

講起投資藝術品，Vincent話，幾年前佢識咗一位開畫廊嘅朋友，其經營方式好特別，可於客人買畫後幫手出租，唔使拎番屋企。如此一來，投資者就可以一邊收租一邊等升值，稱之為「期貨藝術品」。Vincent一聽，覺得條橋好好，即刻買咗幾幅，從此即愛上買畫，尤其係色彩繽紛、針砭時弊等主題獨特嘅後現代畫。好似佢同太太朱穎詩身後呢幅《放飛的夢想》，視覺效果強烈，Vincent好鍾意，但都大方捐出拍賣籌款，希望搵到識欣賞嘅知音人。

第一手消息請下載on.cc東網iPhone/iPad/Android/Windows Phone Apps