政壇：施洪流屢創智能新產品

近年人人都爭住講智能，智能手機之外，智能錶、智能鞋都各領風騷，不過咁都未夠，有內地企業下個月就會喺北京推出一批智能產品，有啲乜？智能運動背心、智能運動女性內衣、健身腰帶都有，遲吓仲有智能啞鈴、泳帽接棒，真係諗得到都有。

施洪流（中）透露，下月將會推出一系列智能產品。

不過，講得做智能，當然要有一定功能，將推出上述產品嘅浩沙董事長施洪流似乎創意不絕咁，佢話出年推出嘅智能泳帽好適合小朋友，會有測距功能，譬如超出某個距離就會發出訊號，等啲家長唔使驚小朋友游出安全範圍，佢仲話，話智能泳帽如果再加埋「自救」功能，肯定大賣咁話。消費者真係要睇真啲喇。