政壇：民主阿婆抽水「老」退化

港大校友呢輪爭相表態，一批表明不希望港大捲入政治漩渦，一批則再三要求盡快討論及任命港大副校長。港大畢業生議會下月一日舉行特別會議，其中一批校友組成的「支持十大院長聲明」校友組，及由葉建源等人組成嘅港大校友關注組分別發功爭取校友支持，各自收集授權票，前者呼籲校友支持通過十大院長聲明動議，後者要求港大校委會於三十日內確認物色委員會對港大副校長任命等動議。

不甘寂寞 立場騎牆

正當兩批校友大鬥法之際，於港大校委會被佔領會場事件發生後從未發聲嘅民主阿婆，後知後覺到前日才寫信予港大畢業生議會，要求盡能力確保授權票的真確性，避免出現重複授權。佢其後又稱，如果港大畢業生議會嘅自身資源，未能自行核對授權票有效性，就應該委託具信譽嘅核數師負責，並確認核實相關投票結果。

其實，民主阿婆嘅說法只提到要求謹慎處理授權票，未有交代自己支持哪一批校友動議，難免令人覺得佢立場「騎牆」，唔通佢有乜暗示？又或者，阿婆只係不甘寂寞，發聲都要遲到好過冇到。