政壇：魔童引爆學民廁紙危機

香港電視網絡主席「魔童」王維基連累位於荔枝角嘅學民思潮總部無廁紙用？身在意大利嘅學民思潮召集人黃之鋒喺社交網站發貼自爆，有學民同學仔向佢透露學民總部無廁紙用（圖），原因係王維基旗下網購平台延遲送貨，該名學民同學仔仲幻想會否因而由王維基親自送貨。另一方面，黃之鋒將網購平台延遲送貨嘅通知截圖上載作為佐證，間接引證黃即使身在外地，關於學民嘅事事無大小都要「過問」，相反，一批網民反應不一，有網民留言暗批學民中人無常識，直指廁紙一定要早買早訂，唔知今次學民點解決無廁紙危機呢？